کتێبخانە

سەرخستنی مێژووی ئیسلام و سەر مەزهەبەكان و ڕێبازی پێشینان لە گفتوگۆیەكی نەرم ونیان لەگەڵ دكتۆر عوسمان

پێشەكی

الحمد لله رب العالمين والصلاة والسلام على نبي الله الأمين وعلى آله وصحبه أجمعين، جعلنا الله تعالى من أتباعه. أما بعد:

خوێنەرانی بەڕێز: ڕۆژێك وتارێكی چەند دەقیقەییم بینی هی بەڕێز م. عوسمان موحەممەد، وتەكانی سەرباری ئەوەی زۆرێكی لە جێی خۆی نەبو، وشوێنی سەر مینبەر نەبو، لە هەمان كاتدا تێك دانی ڕاستیەكان وتێكەڵا كردنی هەقیقەتەكان ووێناكردنێكی نا دروست ونا تەندروستی دەكرد بۆ ئیسلام ومێژوەكەی وپێشینانی وپێشەوایانی لە چوار مەزهەبەكە وهەڵ گرانی، بە تایبەت ئەگەر ناوی وتاربێژەكەت لا بدایە زیاتر لە وتەی دژە دینەكان دەچون!! 

منیش لە لاپەڕەیەكی بێدین ودژە دینەكان بینیم بڵاویان كردبوەوە بە ناونیشانێكی زەق وڕەق: «بڕوانن وسەرنج بدەن دكتۆر عوسمان چەند ڕاستیەكی لە بارەی ئیسلامەوە دركاند»، چەندین ناونیشانی لەم شێوە ونزیك لەمە. 

هەڵبەت لەوانەیە ویستبێتی چاك بكات، بەڵام خراپی كرد وخراپیش شكایەوە.

بۆیە ڕۆیشتمەوە بۆ سەرچاوەی وتارەكە وگوێم لە هەمو وتارەكە گرت. وتم نەوەك قسەكەی لە چوارچێوەكەی دەر كرا بێت وبۆ مەبەستی خراپ بە كار هێنرا بێت، بەڵام سەرەنجام ئەو تێبینیانەم بۆ دروست بو، كە لەم كتێبەی بەردەستان نوسراوەتەوە.

لەم پێشەكیەشدا دوو تێبینی دەخەمە ڕوو:

1. من هیچ دوژمنایەتیەكم لەگەڵا م. عوسمان نیە، بەڵكو ناشیناسم. جا ئەمە: «گفتوگۆیەكی هێمن وزانستی ونەرم ونیانە لەگەڵی دا» وهیچی تر( ). 

2. هەروەها من بە ویستی خوا تەنها لەبەر ئیسلام ومێژوەكەی وسەر مەزهەبەكانی وپێشەوایانی وهەڵ گرانی بە وەڵام هاتوم، هەر بۆیە ویستومە بە ئەخلاق وڕەوشت وئوسلوبی ئیسلام وئەهلی عیلم گفتوگۆی لەگەڵ دا بكەم، دوور لە هەر كاریگەریەكی تر. هەر بۆیە كە دە ئەڵقەیەكی لێ بڵاو بویەوە، ومامۆستای خاوەن بانگەواز وزانست «باوكی عەبدولحەق عەبدوللەتیف ئەحمەد» بینی بوی دەست خۆشی كرد ووتی: وەڵامێكی زانستیە، بیرۆكەی بە كتێب كردنیش هی بەڕێزیان بو. 

بەڵام هەندێك ڕازی نەبون بەو ئوسلوبە، چونكە هەم زیانی بۆ دكتۆر عوسمان هەبو، هەم زیانی بۆ ئەوانە هەبو حەزیان لە توندی وسنور بەزاندنە. بۆیە ڤیدیۆكی منیان بڵاو كردەوە -كە برایان دەڵێن: وەڵامی ئەو نیە ووەڵامی م. صدیق وهەندێكی تری هاوبیرێتی، عَلی كُلٍّ-، كردبویانە وەڵام بۆ م. عوسمان! ئەگەر چی من ناوی كەس ناهێنم تێیدا، بەڵام یەكسەر ڕون كردنەوەیەكمان بڵاو كردەوە ووتمان بەرین لەو قسانە جا ئیتر باسی هەر كەس بێت. جا د. عوسمان وەڵامی سی مەقالەكەمی نەدایەوە بەڵام كە ڤیدیۆكەی بینی یەكسەر وەڵامێكی دایەوە خۆزگە وەڵامیش بوایە.

ئێستاش فەرمون بۆ كتێبەكە وەكو خۆی بێ دەستكاری مەگەر پێویستی كردبێت لە هەندێك شوێنی كەمدا.

 

_____________________

(1) تەنانەت كە لەبەرواری 26 حوزەیران (6)ی 2019، دكتۆرێكی بەڕێز ئەم كتێبەی لە سایتی بەندە بینی، دوای هەندێك گفتوگۆ داوای لێ كردم ئەو كتێبەی بۆ بنێرم پێش بڵاوكردنەوەی تا پیشانی د. عوسمانی بدات، وباسی ئەو ڤیدیۆیەشی كرد كە بە ناوی منەوە بڵاو بۆتەوە وگلەییەكی پێ گەیاندم جا نازانم هی خۆی بوو یان نا، منیش بۆم نووسی (بە دەق):

سەلامم هەیە بۆ بەڕێز دكتۆر عوسمان، مامۆستا ... ـی بەڕێز من بەرپرسم لەو نوسینەی لە سی مەقالەدا نوسیومە ولە فەیسبوكی خۆم دا بڵاو كرداوەتەوە: [

www.FB.com/mamostaalixan ]

ودواتر لە دوتوێی ئەم كتێبەدا بڵاو بۆتەوە: 

www.ali-xan.com/ktebxana/30

نەك لە پارچە ڤیدیۆیەكی سێ دەقیقەیی كە كاتی خۆی لە بەرواری 30 ئازاری 2015 ڕونكردنەوەیەكم بڵاو كردەوە ووتم من لەو ڤیدیۆیە بەریم، ئەگەرچی برایان ئەڵێن باسی م. عوسمان ناكەم، بەڵام من بەریم لەو قسانە بۆ هەر كەسێك بێت وباسی هەر كەس بێت، وا لە خوارەوەش دەقەكەی دەنێرم، وماوەیەكی پێش ئێستاش هەم لە تێلیگرام بڵاوم كردەوە ئەویشت بۆ دەنێرم إن شا‌و الله. كاتی خۆیشی تەلەبە ودۆستەكانی نامەیان بۆ ناردم ووتیان م. عوسمان ڕەدەكەتی بینیوە، جا پرسیاری ئەو پارچە ڤیدیۆیەیان كرد، وتم: لێی بەریم وبە ئاگاداری منیش بڵاو نەبۆتەوە، ئەو كاتەش [وەك ئێستا] بە خوا لەسەر داواكاری كەس نەمنوسی بەڵكو لەبەر خواستی ئیمان وقەناعەتم (إن شا‌و الله) پێم وتن بڵاوی بكەنەوە وتیشمان: اللهم فاشهد، وحەزم نەكرد ئەوە ببەمە قەبرەوە. سەلام وڕیزم قبوڵ فەرمون. پاشان نوسخەیەكم نارد بۆ چاپ تا بۆ ئەو برایەمانی بنێرین، وبەڵێنیشیم پێدا كە ئەگەر د.عوسمان شتێ بڵاو بكاتەوە من كتێبەكە لە چاپ نادەم، ئەویش بەڵگەی ئەوەیە مەبەستمان كەم بوونەوەی خراپەیە نەك شتی تر.


داگرتن