پێشەكی

الحمد لله رب العالمين، والصلاة والسلام على المبعوث رحمة للعالمين، نبينا وسيدنا محمد وعلى آله وأصحابه وأتباعه.

أما بعد:

لەم زەمانەی ئێستادا جیاوازی و كێشمە كێشی زۆر دروستبوە لەسەر ئەوەی: ئایا دروستە ڕۆژی شەمان بەڕۆژو بیت، یان نا؟

بۆ وەڵامی ئەم پرسیارە بەشێوەیەكی ورد و زانستی و ئەكادیمی، دور لە دەمارگیری و خۆشویستنی زانایەك لەسەر حیسابی شەرع و فەرمودەكانی پەیامبەری خوا صلی الله علیه وسلم، هەستام بەم كارە بە داوای یارمەتیكردن لەخوای گەورە عز وجل، لێشی دەپاڕێمەوە بە فەزڵ و منەتی خۆی، هەق و ڕاستی بكاتە یاوەرمان لەسەرەتای نوسینەكەماندا تا كۆتاییەكەی، لەباقی ژیانیشمان كە ماوە لەسەر هەق و سونەت بمانژێنێت و لەسەریشی بمانمرێنێت و كۆمانبكاتەوە بە پەیامبەری خوا صلی الله علیه وسلم، شادمان بكاتەوە بە دیداری لەبەهەشتە بەرزەكان و فیردەوسی ئەعلادا، لەگەڵ یاران و پیاو چاكان و زانایان...

كتێبەكەش كراوە بە حەوت بەشەوە، كە باسە سەرەكییەكانی تێدا جێكراوەتەوە:

بەشی یەكەم: فەزڵی ڕۆژوگرتن.

بەشی دووەم: جۆرەكانی ڕۆژوگرتن.

بەشی سێیەم: بۆچونەكان لەبارەی ڕۆژوی شەمانەوە.

بەشی چوارەم: بۆچونی ئەلبانی لەم بارەوە و قۆناغەكانی.

بەشی پێنجەم: فەرمودەی ڕێگریكردن لەڕۆژوی شەمان.

بەشی شەشەم: بەڵگەی پەیوەستكردنی حەدیسەكە بەگرتنی ڕۆژێكی پێشی یان پاشی یان ڕێكەوتنی لەگەڵا ڕۆژویەكی سونەت و فەزڵداردا ...

بەشی حەوتەم: ڕونكردنەوەی بەڵگەكان و شیكردنەوەی وتە و بۆچونەكانی ئەم باسە.

ئەمە پێڕستە گشتییەكەیە، بۆ پێڕستە وردەكەش بڕوانە كۆتایی كتێبەكە زیاترت بەرچاو دەكەوێت.

علی خان

2020